كل سنة وانتم طيبين وربنا يتقبل منا جميعا الصيام والقيام ويكون عيد سعيد على مصر كلها
بدون اى مقدمات ولا اى حاجة
مسلسل تامر وشوقية بجد من المسلسلات الترفيهية الى فيها كمية ممثلين جداد بس حلوين جداااااااااااااااااااااااا
يعنى بغض النظر عن المسلسل فية شوية تجاوزات من حيث الالفاظ والايحاءات وان الجزء التالت بتاع السنة دى مش كوميدى زى الجزء التانى بتاع السنة الى فاتت _ ماشفتش الجزء الاول _
الا ان انا شايفة ان الجزء التالت دة فية شوية ممثلين تحفة بجد بجد يعنى عارفين يعنى اية تمثيل عارفين يقنعوك بالدور الى هما بيأدوة
منهم على سبيل المثال لا الحصر طبعا
عصفور الجرسون الى فى الكافية
نانسى وانا من اشد المعجبين بتمثيلها وعدم احراجها انها تأدى بعض الحركات التمثيلية الى البعض ممكن يحرج انة يأديها بجد ممثلة عندها طاقة تمثيلية جامدة جدا
الظابط فى القسم
قريبة شويقة مش فاكرة اسمها
بس بجد بجد فى ناس تمثيلها فية روعة وتحفة واعتقد ان دول المفروض يستثمروا نجاحهم وموهبتهم دى بشكل حقيقى وجاد
بس كدة انا بقالى فترة كبيرة يمكن من السنة الى فاتت وانا نفسى اتكلم عن تامر وشوقية بس ماكنش فى فرصة واهى جت
يلا كل سنة وانتم طيبين ومحدش يتقل فى الكحك والبسكوت علشان غلط على المعدة بعد الصيام وانا خايفة عليكم ابقوا ابعتهولى انا واناهتصرف فية
اعتقد محدش بيحبكم قدى اهو
هناك ٣ تعليقات:
الزميل المدون المحترم
بعد التحية
ندعوكم لحضور ملتقى مدوني الشرقية الأول
يوم الأحد 5/10 الساعة الرابعة مساءً
مقر النادي الإجتماعي الخاااص بشركة مطاحن شرق الدلتا
أمام مقر الوفد بشـــــارع مدير الأمن - ميدان القومية - الزقازيق - محافظة الشرقية
و كل المدونين من كل حتة ف مصر مدعوين
وللمزيد من التفاصيل يرجي زيارة اللينك التاااااالي
http://goharyblog.blogspot.com/
لكم جزيل الشكر و كل عام و أنتم بخير
كل سنه وانتى طيبه
ومش هنتقل فى الاكل متقلقيش
بس ياريت انتى اللى مش تتقلى :)
فرى كيلر كان بودى البى دعوتك بس عموما خيرها فى غيرها ان شاء الله
___________________
عايش ولكن ماخلاص انا تقلت والى كان كان بقى هههههههههههههههه
إرسال تعليق