السلام عليكم
اكيد يعنى انا مش مختلفة عن باقى الناس واكيد الى جوايا جوا كل الناس بس يمكن احنا الى مش بنشوف بعض من جوا
المهم حصل موقف كدة فى حياتى من فترة وجاتلى فكرة او خاطرة شريرة جدا
وهو ان عدم وجود بعض الاشخاص فى الحياة قد يكون افضل !!!!!!!!!!!!१
باختصار لو ناس معينة ماتت الحياة هتكون احلى ممكن ما تكونش احلى بكتير بس ممكن تكون افضل ।
الله اعلم هل فعلا لو توافهم الله هل الحياة هتمشى افضل هل هما فعلا سبب تعرقل بعض الامور !! مش عارفة يمكن دة نوع من انواع الانهزام انى مش لاقية اى حل غير انهم لو مش كانوا موجودين الحياة كانت هتبقى افضل !!!
اكيد فى ناس هتلومنى على احساسى دة واعتبارى شر يمشى على الارض , ولكن مين فينا ما تمناش موت اشخاص بعينهم كى تصبح الحياة افضل
>> ياريت محدش يقلى شارون واليهود انة بيتمنى موتهم لان دة شى طبيعيى وانا مش بتكلم على الاشخاص الى من النوع دة الى كراهيتهم تعتبر واجب وطنى ولكن انا بتكلم عن الشعور الشخصى تجاة اشخاص شخصييين
>>> وياريت كمان محدش يقلى ان من قتل نفس كانة قتل الامة
لانى مش بفكر فى القتل الصراحة خالص ولكن انا بفكر فى الحل الاسلم وهو انهم يموتوا موتة طبيعية
>>>>> اية الشر الى انا بكتبة دة , مع علينا انا انسانة بردة وفيا الحلو والوحش واكيد فيا نسبة شر بس شر امنيات فقط لا ترقى للتنفيذ
هناك ١٠ تعليقات:
هههههههه
السلام عليكم أولا ...
ثانيا بقى ..
استعيذي بالله من الشيطان الرجيم كده و اشربي شوية مية علشان تغيري المود بتاعك ...
خلاص ؟؟
ندخل بقى لأن العملية طالبة صراحة !!!
لأني حاسس و الله أعلم إني فاهم !!
بس ...
هو أنا كنت بفكر كده في الأول ..
بس سمعت في شريط لأحد المشايخ -أبو اسحاق الحويني- إنك يعني لما تقول : "ربنا ياخده" هياخده ؟؟
يعني الواحد دعوته مستجابة يعني ؟؟
يبقى مافيش فايدة من إنه يتمنى له الموت ..
و لو الواحد دعوته مستجابة يبقى يدعي إنه ربنا يهديه و يجعله أحسن واحد في الدنيا !!!
بصراحة أنا السنة دي .. من كام يوم بالضبط و مش من زمان يعني ..
قلت طالما أنا كده كده بدعي .. طيب ما أنا أدعي إن ربنا يجعل الشخص ده أحسن واحد -في فئته :) - في الدنيا ..
يعني يخليه لي كما ينبغي ..
و ما تقلقيش .. ده حاجة طبيعية تجاه شخص المفروض إنه يكون أحسن واحد و أقرب واحد لكنه للأسف مع إساءاته المتكرره صعب إن الواحد يقول إنه يسامحه لأنه شغال ليل نهار -هو أنا شكلي بتكلم على الشخص اللي في بالي و لا ايه ؟؟!! -
عموما جربي تدعي إن ربنا يهديه و يكون أحسن شخص و أن يجعله الله لكِ كما يحب و كما يجب أن يكون ..
و ربنا يستجيب ..
و على فكرة ... أنا لما جربت أدعي لحد أنا بكرهه بحس إن كرهه في قلبي بيقل ..
علشان كده الرسول -صلى الله عليه و سلم- ندب إلى دعوة المسلم لأخيه بظهر الغيب ..
معلش أنا طولت قوي ..
بس معلش الموضوع "جه على الوجيعة" :) ..
ربنا يهدينا و يهدي الجميع
في أمان الله
*رد* :
أهلا و سهلا بيكي ..
شكلك خبيرة بالأمور دي :)
بس ربنا يهديهم .. و يعرفوا إنهم على الأقل ينووا بالعمل ده وجه الله و مش الهروب من البيت بس ..
أما صلاة العيد دي .. !!!!
ده الواحد بيشوف في التلفزيون في أماكن الستات بتصلي وسط الرجالة ..
رغم إن المراة لو صلت جماعة مع جوزها فلا تقف بجواره و لكن وراه حتى لو كانت هي لوحدها ..
أما بقى إن تبقى وسط الرجالة و في رجالة وراها كمان يبقى .... لا تعليق !!
ههههههههههههههههههههههههههه
لا والله يا تيمى انا مش بدعى بالموت على حد ابدا حتى لو بكرهة لانى مش بحب ادعى على حد خالص ولو ضاقت بيا الدنيا بقول حسبى الله ونعم الوكيل او منك لله وخلاص انما انى ادعى على حد وكمان بالموت لا خالص
بس تعرف استفدت بجد من ردك انى ادعى للشخص دة انة يكون كما يجب ان يكون لى وربنا يهدى الجميع يارب
>>>>>>>>>>>>>>>
تيمى اه خبيرة لانى كنت بشوف ناس قريبة منى بتنزل تصلى للاسباب دى
وعلى فكرة انا لما شفت صلاة العيد كدة حرمت انزل تانى اصليها مع انها كانت اول مرة وكانت اخر مرة
بس على فكرة اناامنيتى انى انزل اصلى مرة فى الجامع او اكون خارجة والاذان يأذن اقوم داخلة جامع اصلى بس للاسف مش عندى الشجاعة انى اعمل كدة ومش تسالنى لية لانى مش عارفة
جديدة حكاية النزعات الشريرة دي
ولو إنها مطلوبة أحيانا
إنتي ليكي في السياسة وألا حاجة؟
اية يامراكبى انت جاى تلبسنى تهمة فى مدونتى سياسة اية وبتاع اية ياراجل بلا فسق هههههههه
منورنى يا مراكبى والنزعات الشريرة مش جديدة ولا حاجة هى عننا كلنا بس كل واحد بيداريها علشان المظهر الطيب يكتمل
lol - الدنيا لن تستقيم إلا بوجود الأشخاص دول يا جيجي :)
تخيلي الدنيا بدون ذباب مثلا ... قد تبدو ممتعة لكن ده حيخلى الناس متغطيش الأكل ...
سبحان الله - وجود الشر مفيد علشان يوازن الدنيا ... علشان الحياه تستقيم ... علشان الناس متفقدش الدوافع
ولا إيه :))
وجود الشر مفيد علشان يوازن الدنيا ... علشان الحياه تستقيم ... علشان الناس متفقدش الدوافع
والله يا جدو اسكندر انا فعلا فكرت فى النقطة دى قريب جدا وقلت فى نفسى ماهو ما ينفعش كل حاجة تيجى بالسهال كدة والا الحاجة هتفقد حلوتها لان اى حاجة بتيجى بعد مشقة بيبقى ليها طعم تانى وفرحة مختلفة على عكس لو جت على طول بدون اى انتظار او شوق او تعب ليها
منورنى يا جدوو اسكندر
على فكرة
دى بتكون افكار فى لحظات انفعال فقط
لكن مع الهدوء
ستدركى حكمة الله فى حلقه
فانا مثلا لا اطيق الفئران
ولا اجد اى اهمية لوجودها
ولكن علمت مؤخرا ان لولا الفئران لما تقلبت التربه ولعفنت الأرض
كما انها تتغذى على بواقى الفضلات ف تمنع تعفنها ايضا
هكذا الحياة
من لا تجدى له دورا اليوم
قد يكون له دور عظيم غدا
اول زيارة
واتمنى فى الزيارة القادمه ان اجد مود احسن
تحياتى
بلو وايف
((من لا تجدى له دورا اليوم
قد يكون له دور عظيم غدا))
والله يا بلو هو الدور العظيم اتعمل والى كان كان بقى هههههه بس والله فعلا احيانا ساعة التجلى الواحد يقول لو فرضا كات الشخص دة فى حاجات كتير انا مش هقدر اقوم بيها ... عموما ربنا ما بيعملش حاجة وحشة وكل واحد ولية دور سواء عجبا او لا فهو لية دور وبيأدية
>>>>>>>> بلو ميرسى على وجودك والله وان شاء الله المود المرة الى جاية هيكون افضل هى كانت بس لحظة انفعال زى ما قلت والحمد لله انها عدت من غير خساير فى الارواح هههههههههه
إرسال تعليق