الصور صعبة صح ؟!
بس مش دة شئ وارد ان احنا نوصل للسن دة ؟ الصراحة وانا بلعب فى النت لقيت الصور دى واتصدمت للوهلة الاولى وبعدين قلت اكيد هما كمان مصدومين وماكنش فى بالهم ان دة ممكن يبقى شكلهم । الصراحة شئ صعب قوى ।مش ان الانسان دة يبقى شكلة لا الصعوبة فى ان الانسان يوصل للعمر دة وفى الى ممكن يتأفف منة والى مايرداش يساعدة والى والى .......... كتير
انا كنت بشوف ناس لما تشوف حد كبير كدة تقول على سبيل التريقة هما لسة عايشين يرحوا يموتوا بقى هههههههه >>> الضحكة دى منهم مش منى انا ,اعتقد لو الشخص دة كبر ووصل للعمر دة وسمع حد بيقول كدة علية هتبقى صعبة قوووووووى , اكيد فى ناس من الكبيرة دى كانت عايشة حياتها بالطول وبالعرض ومنهم الى كان ممكن يكون رياضى وبيشيل حديد ودلوقتى ما بيقدرش يشيل كباية مية !!!!!!!!!!!
اكيد يعنى لما بيفكر فى حالة بيكون حزين , طب هو محدش فينا فكر فى الناس دى بشكل مختلف وان احنا نساعدهم او نبصلهم بنظرة مختلفة يمكن فى يوم من الايام احنا كمان نكبر زيهم ونلاقى الى يساعدنا مش يتريق علينا ....
اعتقد ان كل خط وكل تجعيدة فى الوش بتحكى حكاية وخبرة سنين طويلة ।
بس مش لاقية حاجة تانية بصوا انتم بقى للصور وفكروا مع نفسكم واقوا كلمات الاغنية الى جاية
انا مش عارفنىانا كنت منىانا مش انالا دى ملامحىولا شكلى شكلىولا ده انا
॥أبص لروحى فجأة- لقتنى لقتنى كبرت فجأة - كبرتتعبت من المفاجأه ونزلت دمعتى
قوليلى ايه يا مرايتىقوليلى ايه حكايتى تكونشى تكونشى دى نهايتى واخر قصتى॥يا دنيا طفيتى شمعى
يا ناس كترتوا دمعىوالعمر راح هدركتبت الاّه بألمىكسرتوا سن قلمى
وبرده باقول قدرحزين من صغر سنىومين على الاّه يعينىووخدانى الخطاوى لسكة تايهة منى
॥أبص لروحى فجأة - لقتنى لقتنى كبرت فجأة - كبرت تعبت من المفجأه ونزلت
دمعتى قوليلى ايه يا مرايتى قوليلى ايه حكايتى تكونشى دى نهايتى واخر قصتى॥انا كنت منى
انا مش انالا دى ملامحى ولا شكلى ده ولا ده انا॥ياليل الجرح يالى معايا زى ضلى مأنس وحدتى
سرقت العمر كله خلاصما بقاش فاضلى غير جرحى ودمعتىجريح وده مش بيدىماخدتش بس بأدى
زرعت يا ناس وردى جنيت الشوك لوحدى..أبص لروحى فجأة - لقتنى لقتنى كبرت فجأة - كبرت
تعبت من المفاجأه ونزلت دمعتى قوليلى ايه يا مرايتىقوليلى ايه حكايتى تكونشى
تكونشى دى نهايتى واخر قصتى॥انا مش عارفنى انا كنت منىانا مش انالا دى
ملامحى ولا شكلى دهولا ده انا
((( الاغنية لعبد الباسط حمودة __ اغنية حلوة قوى وومعبرة كمان قوى )))
هناك ٧ تعليقات:
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
ميرسى كتير طهقانة على زيارتك
وربنا يتقبل منك دعائك ويبلغنا رمضان ان شاء الله
سبحان الله...في الوقت اللي الناس دول بيتريقوا لما يشوفوا حد وصل للسن ده الا انهم في نفس ذات الوقت بيتمنوا انهوا يعيشوا قدهم او اكتر منهم كمان....على فكرة اغنية عبد الباسط مبقتش مجرد اغنية شعبية لانك بجد حطيتي الاغنية المناسبة في الموضوع المناسب....ورمضان كريم
بيتمنوا انهوا يعيشوا قدهم او اكتر منهم كمان...
تصدق فعلا يا على كلنا بنتمنى نوصل لسنهم دة
كل سنة وانت طيب يا على
والله اكرم .
اختيار موفق للأغنية
معندكيش اغنية جيت عالجرح
أهلا و سهلا جيهان ...
أنا مش عارف ليه شدتني المدونة بتاعتك ..
يمكن علشان اسم "خواطر" بيفكرني بمدونة واحد قريب من قلبي جدا ..
أو لأني لما دخلتها لقيت مواضيع رائعة أنا فكرت فيها قبل كده فعلا ...
إنتي عارفة ..
أنا كل ما أمشي في الشارع و أشوف واحد أو واحدة كبيرة في السن أقول "الحمد لله الذي عافاني مما ابتلى به كثير من لناس و فضلني على كثير ممن خلق تفضيلا , اللهم إني أعوذ بك من أن أرد إلى أرذل العمر "
بجد أنا خايف أوصل للحالة دي .. و نفسي أموت قبل ما ربنا يحوجني لحد .. و ما يحوجش حد ليا سواء زوجة أو أطفال ..
نفسي أموت شباب بس في وقت أكون متظبط فيه دينيا و مستعد للموت ..
اييييييييييييه .. قلبتي علينا المواجع
عموما ربنا يقدم اللي فيه الخير .. و يحينا ما كانت الحياة خيرا لنا و يتوفنا ما كانت الوقاة خيرا لنا ..
و كل عام أنتِ بخير ..
رمضان مبارك ..
تشى ويلدوينج
ههههههه لا والله الصراحة انا حتى مش عارفة هى بتاعة مين جيت على الجرح
بس انت نورتنى
تيمى
اولا كل سنة وانت طيب وميرسى على مرورك
ثانيا
نفسي أموت شباب بس في وقت أكون متظبط فيه دينيا و مستعد للموت ..
انت عايزة تحقق المعادلة الصعبة والى كتير منا مش قادر يحققها وهى انة يكون مستعد للموت فى اى وقت
بس عموما مش دايما العمر الكبير وحش بالعكس فى ناس عمرها كبير وبتلاقيها هى عمود العيلة الى من غيرها العيلة بتتهد اناعن نفسى انتمى انى اوصل للعمر الكبير الى اكون فية زى عمود العيلة مش مجرد حاجة عالة على غيرها
إرسال تعليق