الثلاثاء، أغسطس ١٢، ٢٠٠٨

الى مقدرش اغيرة اتأقلم علية



ايوة
الى مقدرش اغيرة اتأقلم علية

دة مبدئى والى انا شخصيا مقتنعة بية وبطبقة فى حياتى

لان فى حاجات كتييييييييييييييييير قوى فى حياتنا الواحد ما بيملكش انة يغيرها او مستحيل او صعب انة يغيرها فى كل الحالات دى الى قدامنا اية ان احنا نتأقلم علية

فى ناس اعرفها تلاقى نفسها قدام وضع مش قادرة تغيرة ,تعمل اية تلاقيها تعاند فية وتعاكس ولا هى بتفوز بتغير الوضع ولا الوضع بيتغير

يعنى كمثال مثلا حال البلد دلوقتى وان ما فيش فرص مناسبة للخرجين وان كل خريج بيخرج يشتغل فى غير تخصصة خالص دة لو اشتغل من الاساس

طب الوضع دة هل مستحيل تغيرة لا طبعا بس صعب وهياخد وقت ممكن سنين وقرون بس هيتغير

طب احنا نعمل اية عقبال ما يتغير .................... نقلب نعيشنا احنا بقى وما نقلش لا اصل دة مش تخصصى ولا هو المرتب المجزى طب ماهو انت ما تتأمرش بقى وقلب عيشك لغاية ما تلاقى الفرصة المناسبة وبعدين يعنى ما كلها خبرة يعنى مش هضرك فى حاجة +وبعدين اذا ماكنش الشاب مننا يتعب فى شبابة هيتعب امتى يعنى , وبعدين يعنى هو مضيقة قوى انة مش هيشتغل فى تخصصة وال يعنى كان بيطلع من الاوائل او مش مكسوف وهو بياخد مصروف من اهلة دلوقتى بنلاقى شاب زى ضرفة الباب وبياخد مصروف لسة حاجة تكسف والله , دة غير ان الشغل بيجيب شغل ودى شفتها كتييييييييييييييييييير سواء على المستوى الشخصى او الناس المكافحة ممكن تلاقيها كانت شغالة فى شغلى بسيطة جداااااا ومع الوقت بدات تتعرف على ناس يدولها على شغل افضل وافضل وهكذا لغاية ما بيوصل للمكانة الى كان يتمنها واحسن كمان





اوضاع كتير فى حياتنا مش بس الشغل لا كتير بنلاقى ناس مصابة بتشوهات خلقية وامراض صعبة وشلل فى الاطراف ونلاقيهم بيعملوا المستحيل علشان يحققوا وما قلوش اصل انا وضعى مش هقدر اغيرة وصعب انى اتعامل معاه بالعكس اتأقلم معها وحقق الى هو عايزة واحسن كمان من الاصحاء



كتييييييييييييييييييييييييييييييييييييييييييييييييير وهفضل اقول كتيييييييييييييييييييييييييييييييييييييييييييييييييير

الى ماقدرش اغيرة اتأقلم علية

خدوها حكمة منى وطبقوها صدقونى هتنفكم كتير





يلا ما نملكش غير ان احنا نقول

ان لكل مجتهد نصيب ((( حكمة بس بجد سليمة واحنا الى كنا بنتريق عليها واحنا صغرين عرفت قيمتها لما كبرت فعلا )))

هناك ٦ تعليقات:

(المهاجر الى الله) يقول...

ادعوك لزيارة مدونتى المتواضعة
www.eyuon.blogspot.com
وشكرا

jehan يقول...

اشكرك على الدعوة

alialmahroki يقول...

ده بالضبط الحكمة اللي بتقول(اذا لم تعمل ماتحب فحب ما تعمل) وكل سنة وانتي طيبة

jehan يقول...

تمام يا على والانسان اصلة قابل للتقالم مع الظروف بس احنا الى بنشف دماغنا على الفاضى

TIMMY !! يقول...

احم احم ...

هو انتي بتحضري ندوات تنمية بشرية مع صاحبتك اللي بتقضي الخدمة العامة :)

بجد كلامك مقنع ..

اللي ما نقدرش عليه نتأقلم عليه ..

و زي الإمام الشافعي ما بيقول :

دع الأيام تفعل ما تشاء ** و طب نفسا إذا نزل القضاء

و زي ما أبو القاسم الشابي بيقول :

خذ الحياة كما جاءتك مبتسما ** في كفها الغار أو في كفها العدم

و أكتر كلمة "جت على الوجيعة" بتاعة الشغل بيجيب شغل ..

ربنا يسهل و نشتغل إن شاء الله ..

و لو إني متأقلم اليومين دول مع حالة انتظار موقفي من التجنيد .. لأني مش عارف أغيرها .. فهتأقلم عليها إن شاء الله :)

مدونة بجد حلوة ..

تحيتي ..

jehan يقول...

ميرسى بجد يا تيمى

لا والله يا تمى انا مش بحضر ندوات ولا كلام من دة

بس دى حكمة بجد اتعلمتها من الظروف والواقع



اما بقى الشغل بيجيب شغل فا دى عن تجربة بجد وشفتها مع ناس كتير صدقنى لو اجتهدت وسعيت فعلا ربنا هيكرمك جدااا

والتجنيد بقى يا تيمى فانا مش عايزة اقلك الجيش للرجالة علشان مش تقول بفول عليك هههههههههههههههه

عموما ان شا ءالله خير والى فية الخير ربنا ييسرهولك