مسا الخير على الناس الكويسة
مش عارفة ابتدى ازاى .......................................................
انا هكتب وخلاص الى جوايا بدون مقدمات
جوة مصر عادى جدا انك ترمى ورق فى الشارع او زبالة ,انما لما تسافر برة بتحافظ على نضافة البلد وتحترم الشارع
جوة مصر تكون انسان حمش وراجل قوى , وبرة مصر انت انسان فرى جداااااااااااا على اعتبار البلد الى ميعرفكش فيها حد اعمل الى انت عايزة .
جوة مصر شايف ان البنت مكانها البيت , وبرة مصر تعجب بالبنت الى معتمدة على نفسها وعايشة لوحدها .
جوة مصر نتعامل مع اصحاب الديانات التانية على اساس انهم ناس المفروض يخلصوا من الوجود , برة مصر بنتعامل مع يهود ومسيحين وملحدين كمان ونتعامل معاهم بشكل محترم جداااااااا .
جوة مصر نبهدل بلدنا ونسوخها ونبوظ فيها , وبرة مصر نتمنى نكون زيهم مع ان احنا الى عاملين كدا فى نفسنا .
جوة مصر عيب انك تشتغل فى مطعم او تقف فى محل على اعتبار انة مش من مقامك , انما برة مصر عادى جدااااااااااا انك تشتغل اى حاجة مهما كانت شهادتك .
جوة مصر تسوق براحتك مش مهم الناس مش مهم اشارات المرور مش مهم اى حاجة , برة مصر انسان متحضر جدااااااااا تحافظ على المرور والاشارات والناس وحتى الصرصار الى بيعدى .
....................................................................................
جوة وبرة ناس كتير بتتغير وبتبقى عاملة زى الحرباية تيجى مصر تبوظ وتسافر برة تصلح وهكذا تيجى تبوظ تسافر تصلح
وبتنسى ان دى كلها بتعتبر مبادئ المفروض تكون واحدة مهما سافرت او عشت فى اى مكان
انما للاسف الناس بتعتبرها حاجات تافهة ولا تستحق انها تكون مبادئ .
هناك ٤ تعليقات:
صدقينى كلامك كويس جدا بس كل الناس عارفة كده وبرده فاكرين ان كله من الحكومة والنظام للاسف شعب مش عارف هو عاوز ايه فيا ريت متتعبيش نفسك بيهم.انت منين من الزقازيق ممكن نبقى جيران
اولا ازيك يا على , ثانيا انا فى رائ ان مش هقول تلت تربع مشاكلنا احنا السبب فيها انما مش اقل من ن المشاكل احنا السبب فيها بتصرفتنا وافعلنا مع البلد .
بس انا بقى بختلف معاك ازاى مش اتعب نفسى ماهو مادام انا بحب البلد دى يبقى لازم اتعب نفسى والا لو كل واحد قال يلا نفسى البلد عمرها ما هتتغير .
وبعدين احنا يا سيدى جيران اكيد مادام عايشين على كرة ارضية واحدة .( وش بيغمز بعين واحدة )
اولا انا مش كويس خالص لان عليا امتحان يوم الاتنين وبالتالي مضطر بكل اسف انى اذاكر ثانيا المشكلة ان احنا شعب معندوش اي قابلية للتغيير كل واحد عامل لنفسه نظام ومبادئ وكأن كل واحد عايش ملك نفسه انا حاوت كتير افهم الناس اللي اعرفهم لكن مفيش فايدة يعنى ابسط مثال الواحد يعمل مخالفة بالعربية وتاني يوم يكلم معارفه يجيبوله الرخصة زي ميكون متعمد يعمل مخالفة حاجة تغيظ........................
اعاناك الله واعانى معاك لانى انا كمان عندى امتحان ( بس مش عارفة امتى )
هقلك على حاجة انت بتقول احنا شعب مش عايز يتغير وانا معاك فى دى انة فعلا صعب تغيرة
بس انا هقلك على تجربة حصلت معايا وهى الى خلتنى اقتنع ان الانسان يقدر يغير الى حوالية على الاقل
وهقلك على التجربة دى فى بوست لانى الصراحة انا عايزةاكتبها بوست .
وميرسى ليك على المتابعة وربنا يوفقك يارب فى الامتحان
إرسال تعليق