صباح الخير على الجميع
وكل سنة والامة الاسلامية كلها بخير
فى موضوع غاظنى قوى الفترة الى فاتت وهو ان لما بجى ادعى ربنا بحاجة الاقى ناس تقولى او معنى كلامهم بيقول اية الطمع دة او مش تتأمرى , وكانى بطلب حاجة حرام او عيب او غلط
ازاى بقى ...........
انا معرفش لية فى ناس قاصرة الدعاء على الادعية الدينية فقط او مخصصة الدعاء لوقت الشدة بس يعنى تقلاى الناس اغلبيتها لما تدعى تقول مثلا
(يارب اهدينى , يارب وفقنى , ....... وهكذا )
ناس هتصطاد بقى فى المية العكرة وتقلى هى الهداية وحشة ولا التوفيق وحش
اقلة عييييييييييييييب مش تقولنى كلام مش قلتة
الهداية ما فيش احسن منها ولا التوفيق
بس الى اقصدة بقى ودى امثلة انا بشوفها سواء على نفسى او غيرى
مثلا انا عندى امتحان وبدعى ربنا انى انجح ويدعى ويقول يارب انحج وهو فى نفسةمثلا عايزة مجموع معين 90%
لية ما يدعش ان ربنا يرزقة المجموع دة؟؟؟؟؟؟؟؟
والامثلة كتير
زى الى بيطلب عروسة تاقية لما تسالة انا عايزها بس بنت حلال ويدعى ربنا بكدة
ولما تجيبلة عروسة بنت حلال يقلك لا اصلها مش حلوة !!!!!!!!!!!!!!!!!!!!
طب يا خى ما تدعى ربنا ان يرزقك بنت الحلال الجميلة .
اظن ما فيش حاجة لاهو عيب ولا حرام
زمان الناس كانت بتطلب من ربنا ملح الطعام
لية احنا بنقصر دعوتنا على حاجات معينة ودعوات مبهمة
لية مش ندعى ربنا بكل الى عايزنة لاربنا قال انة حرام ولا هو عيب ولا هو غلط
__________________________________________
وفى نهاية الحديث دى مجرد خاطرة شاردة
قد يتفق معى اشخاص وقد يختلف معى اخرون
هناك ٦ تعليقات:
يا رب اخلص الكلية الهم اللي انا فيها على خير وفي اسرع وقت ممكن.....يا رب الم مصروف كويس لان الحالة بايظة اليومين دول
امين امين امين يارب العالمين
وربنا يفرجها عليك وعليا وعلى الجميع يارب
قبل اى حاجة كل سنة وانتى طيبة
بالنسبة لموضوعنا انا متفق معاكى تماما ان احنا لازم ندعى فى كل حاجة لان الدعاء لا عيب ولا حرام
بسسسسسسسس
مش متفق ان الناس مبتدعيش غير فى المواقف الصعبة انما كتير من الناس بيحبوا يدعوا جوا قلوبهم يعنى موضوع الزوجة مش هيجى يدعى قدامك ويقول يا رب تكون طويلة وبيضاء وعنيها زرق يعنى انما بيرسم الصورة فى دماغه وبيدعى ربنا بس مع نفسه فى السر يعنى
فى النهاية تحياتى ليكى جيهان هانم
وانت طيب د/ماجيك
هو انا ش بقوول يدعى قدام الناس لا خالص والا هتبقى فضيحة ههههههه
لا الى اقصدة ان فى ناس بتدعى ربنا وقت متكون فى مشكلة بس ومش عارفة تحلها
الأخت الفاضلة جيهان
طبعا من حققك تدعى ربنا زى ما انت عايزة و ربنا سبحانه و تعالى أمرنا أن ندعوه و هو القادر على الإجابة و هو الكريم و المعطى لأكثر مما نسأل. و لم ينهانا الله عن أى دعاء إلا إذا طلبنا منكرا أو حراما. كذلك كره أن ندعو بالشر على أحد خاصة إن لم يؤذنا.
بس هو فيه ملاحظة بالنسبة للطلب اللى هنطلبه من ربنا، يا ترى هو خير فعلا و لا شر؟ لا أحد يعلم حقيقة الأمور إلا الله و لا يعلم الغيب إلا هو، أما نحن فنظرتنا للأمور قاصرة و علمنا محدود. لهذا قد نسأل الله شئ نظنه خيرا و لكن فى الواقع هو شر. و الأمثلة على ذلك كثيرة
مثلا يدعو شخص بأن يتمكن من اللحاق بالأتوبيس حتى يسافر ثم ينقلب هذا الأتوبيس.
أنا أعرف امرأة اجتهدت فى الدعاء فى العشر الأواخر من رمضان و دعت الله أن يزوجها فلان. و استجاب الله لها. و لكن ليتها ما دعت هذا الدعاء فقد كان هذا الزوج فتنة لها و فتنها عن دينها فبعد أن كانت منتقبة و ملتزمة أصبحت خليعة الملبس كثيرة المعصية فسدت حياتها و دينها و طلقت بعد عامين من الزواج. ألا ليتها ما دعت هذا الدعاء.
كذلك طلب أحد الفقراء من النبى صلى الله عليه و سلم أن يدعو الله له أن يكون غنيا، فحاول الرسول أن يخبره أن هذا الدعاء قد لا يكون خيرا، فألح الرجل فدعا له الرسول فسار من أغنى الأغنياء. الغريب أنه لما كثر ماله شحت نفسه و أصابه البخل فمنع الزكاة و بهذا يكون ترك أحد أركانالإسلام الخمسة و هى إخراج الزكاة.
من الأمثلة التى ذكرتها أقصد أن تحديد شئ بعينه فى الدعاء فيه تضييق لطلب الخير فأنا طلبت خيرا محددا و لم أجعله عاما فيفيض على الله من نعمه ما شاء، كما أننا قد ندعو بالشر ظنا منا أنه خير.
و رجوعا إلى كلامك مثلا عن عروسة تقية و لم يضف أن تكون جميلة. طيب يا سيتى ما يدعى و يقول يا رب ارزقنى زوجة صالحة تسعدنى فى الدنيا و تكون عون لى على رضاك. و بهذا الدعاء يكون جمع الكثير من الخير بكلمات قليلة، فالصلاح يكون فى الدين و العقل و الأخلاق و الخلقة و الجسد و الطباع، يعنى الجمال و التقوى من ضمن كلمة صالحة. كذلك طلبه أن تسعده فيه شمول للشكل و الطباع و حسن العشرة التى ترضى الزوج و تتوافق معه و فيه ضمنا ألا تشقيه عكس تسعده. و سؤاله أن تكون عونا على رضا الله يشمل أن تعفه عن الحرام و تامره بالمعروف و تنهاه عن المنكر و تعينه على حسن تربية الأبناء.
إذا المطلوب منا أن نتعلم كيف ندعو و ليس بماذا ندعو
أطلبى من الله ما شئت من الدنيا و الدين
و لكن أطلبى الخير بعلم الله لا بعلمك
أطلبى الخير شاملا و لا تقصريه على شئ واحد
يعنى أطلبى زوجا صالحا و لا تحددى صفة واحدة فقط
أطلبى التوفيق و النجاح و لا تحددى مجموع معين فقد يعطيك الله أكثر مما طلبت
أرجو أن أكون قد أجبتك
و رزقنا الله جميعا الدعاء المستجاب
د/كافى لاانكر انى الى حد كبير مقتنعة بالى قلتة ولكن احيانا يكون الطمع البشرى اقوى
إرسال تعليق