السلام عليكم
من كام يوم كده قريت وسمعت خبر ترحيل عمرو خالد من مصر لمده سنتين او تلاته
المهم بغض النظر عن شخصيه الاستاذ عمرو وان كنت انا بحب اسلوبه وطريقه تفكيره العمليه
الا ان كلامى بعيد عن اى محابه ليه
الى عرفته وده اتنشر فى جريده المصرى يوم
انه اترحل علشان بيعمل برنامج جديد اسمه المجددون وده علشان تخريج دعاه جدد وكمان علشان كان هو متبنى قرى فقيره جدا وكان عايز يصلحها
واستكمالا لبرنامج قصص القرأن والى كان هيبقى فيه قصه سيدنا موسى مع فرعون وكان هيفتح باب النقاش فى منتداه على القصه وربطها بالواقع
والامن اعترض على ده معرفش ليه واعترض على كل حاجه ومنعه من استكمال اى حاجه ومنعه حتى يصور برامجه او يطلع فى اى قناه فضائيه مصريه ؟؟ّّّ!!!
صراحه معرفش ليه كده يعنى هو بيسعى لخير ليه بنوقفه ؟؟
ولا هو احنا بنبعد الناس الى بتحاول تساعد مصر وبنسيب الناس الى بتساعد فى خرابها
ثم لو هو فيه شئ غلط او بيعمل حاجه غلط ليه الامن مش بيعلن ده ويقول احنا رحلناه علشان كذا كذا كذا
شئ عجيب وغير منطقى بالمره
عموما الاستاذ عمرو نموذج للناس الى بتحاول فعلا تساعد مصر ولعل سفره خارج مصر يكون افضل بكتير من تواجده فيها
ويحقق نتايج وصدى اكبر بكتيييييييييير مما كان هيحققه لو كان فى مصر
ويارب ده فعلا يحصل ويكيد العوازل فى مصر واذا كانوا بيحاولوا بيعدوا الناس الكويسه بغرض انهم يحدوا من انجازتهم ربنا يجعل غربتهم افضل بكتير
هناك ٦ تعليقات:
اكيد اي حد بيعمل اي حاجة صح في اي مجال لازم يكون ليه معارضين.
بس اكيد الإنسان لازم يضحي علشان يوصل ولما بيوصل بينسى كل التعب اللي شافه.
اكيد يا ميمو وكل الناس العظام اتعرضوا لحملات تشويه ومعارضه جاكده جدا وابدعوا فى محنهم
اتمنوا ليه كل الابداع فى غربته
أنا مش شايف أي حاجة غريبة .. القاعدة العامة في مصر ان أي حد يظهر انه كويس وهيجمع الناس حواليه وممكن ينهض بالبلد يبقى لازم يتصفي
التاريخ مليان بنماذج زي كده .. علماء ذرة ورجال دين ووزراء .. التاريخ مليان
الإصلاح ضد مصلحة النظان الديكتاتوري في كل زمان ومكان
للاسف فعلا يا مراكبى بقى شئ محزن فعلا ان فى ناس فعلا بتحاول تصلح وناس عندها استعداد انها تتصلح والبلد رافضه
للأسف في مصر بتنفنن نقتل أي فكر إيجابي ممكن يظهر
تحياتي
ايوه بنتفنن هى دى الكلمه مايكل
احنا بقينا بنخدها تسليه اى حد كويس رحل على طوول وكأنه وبااء
إرسال تعليق