الأحد، أكتوبر ١٨، ٢٠٠٩

هل نعانى من الاضهاد ؟؟؟؟؟؟؟؟؟؟؟

لا بجد يعنى

هو احنا الشعوب العربيه والاسلاميه بقي عندنا عقده الاضطهاد وان كل شئ حولينا معمول مخصوص علشان يدمرنا ؟

انا ملاحظه الموضوع ده من فتره كبيره وشايفه انه بيزيد بشكل غريب

اصل ايه بقى
بما انى من مرتادى عالم المنتديات العربيه فتقريبا بطلع على الجديد من الموضوعات الدارجه فيه
واذ بى كل فتره الاقى موضوع مثلا يكون عنوانه
احذروا قناه ام بى سى ثرى بتعلم الاطفال الصلاه المسيحيه !!!!!!!!!!!!!
وبتحاول تهدم عقيده الاطفال ووووو
الشئ الغريب او اذا كانوا هما متناسين ان اغلب برامج الاطفال مستورده من بلاد برا يعنى شئ طبيعى هيكون فيها اشياء مختلفه عننا سواء فى العادات او التقاليد او التعاليم الدينيه
انا مانكرش ان المفروض يكون فى رقابه من القناه على محتوى المعروض بس احنا كمان بلاش عقدة الاطظهاد دى تمسكنا
شئ كمان ناس تقلك قناة فتافيت ودى الى ميعرفهاش بتقدم برامج طبخ واكلات وحركات من دى واغلب البرامج فيها اجنبيه وبالتالى بعض اكلاتها ممكن يكون فيها خمور
يجى يقلك ايه احذروا قناة فتافيت بتحاول تدس السم فى العسل وتعودنا على الخموور
وبتهدم مش عارفه ايه وبتعمل ايه
انا بردوا معاهم ان لازم يكون فى رقابه على البراج والمعروض فيها
بس بلاش نبقى كل حاجه واخدينها على نفسنا وكأن العالم مالوش شغله ولا شغلانه غير العرب ووالمسلمين
اه احنا فى مؤمرات بتحاك ضدنا اوكى بس بلاش احنا كمان نشغل نفسنا وندور ويبقى شغلنا الشغال اكتشاف المؤمرات دى
خلينا ايجابين بمعنى اذا كانوا هما بيدسولنا السم فى العسل ما دسلهم احنا العسل فى السم
ما نطور احنا نفسنا ونقدم برامج ليهم
ما نعمل احنا كمان برامج تنافس برامجهم ويبقى ولا الحوجه ليهم
ما نعمل كارتون عربى اصيل على جوده عاليه زيهم ولا الحوجه للكارتون الغربى الى يمكن فيه ثقافه مختلفه ومش مقبوله عندنا
ما نعمل برامج طهى وحوار وتجديد زي برامجهم الناجحه ولا الحوجه لبرامجهم

هوا نا غلطانه وشايفه ان الامورعاديه ولا هما الى مكبرين الموضوع وشايفين ان فعلا كل الحاجات دى مؤمرات ضدنا

هناك ٤ تعليقات:

يا مراكبي يقول...

هناك نقطتين

أولهما هو أننا دائما في موضع رد الفعل ولا نتحرك لنكون الفاعلين أبدا .. وبالتالي يسهل علينا تفسير أي شيء بالمؤامرة .. بينما نحن لو بذلنا جهدا أكثر من ذلك لإمتلكنا زمام المبادرة تجاه الأشياء

ثانيهما .. أنه بالفعل توجد مؤامرات تحاك ضدنا لكنها ليست بهذا الحجم الرهيب الذي نتصوره .. لكن لابد لنا من الإنتباه

micheal يقول...

أرفع القبعات لهذا الفكر

rainbow يقول...

جيهان
يسعد مساؤك و صباحك
دايماً مواضيعك فيها فلفل و شطه
اللذين يحملون تلك الافكار يا عزيزتى
هم محدودى الأفق التفكير وغالباً ما يكونون لم يخرجون من قريتهم او شارعهم منذ ان ولدوا ولكن للأسف صراخهم عالى
ويدخل الأذان بفجاجة ..
هم لا يدرون أن الدول العربية جميعها
غير معروفة على مسستوى العالم إللا بنسبة 12% فى امريكا الشماليه و9% فى أفريقيا و 4% فى أمريكا الجنوبيه و 3% فى آسيا و صفر% فى الصين و أروبا الشرقيه
معنى ذلك إنه لا أحد يلتفت الينا لأننا شبه نكره بالنسبه للعالم .. فنخاف على أيه يعنى ؟؟ لا مال ولا جمال
كنت فى البرازيل منذ عام وكان معانا مجموعه من دول عربيه وعندما يسألوننا انتم منين ؟ كل واحد بيقول على بلده .. أكتشفنا الصدمه ان ولا واحد بيعرف أى دوله عربيه ما عدا مصر عرفوها عدد قليل ..وعندما كنا فى الصين فى أبريل الماضى لم يتعرف أى مواطن صينى على أى دوله عربيه عدا مصر فقط والسعوديه قليل ..ولا يعرفون حتى دبى
خلاصة الكلام ..أنا موش عاوز أوجع راسك ..خلاصة الكلام..غبى من يتوهم ان الاخرين يحسدوننا على اللى احنا فيه .. المفروض ان يبكوا شفقة علينا
... تحياتى و مودتى لك

غير معرف يقول...

أنا باشعر بالاضطهاد لما أشاهد اغاني وطنية مصاحبة لصور أحداث مثل احتلال العراق مثلا
فاقول لنفسي: لماذا يكرهوننا و لماذا يضطهدوننا؟
مع تحياتي.