بسم الله
يا ترى هو معدش موجود فى مصر اى مواضيع تصلح انها تتعرض على السينما غير مواضيع الشذوذ والخمور والجنس والكوميديا مصر كلها من جوة بقت خمرة وجنس وفحش وفجور وكوميديا سخيفة !!!!!!!!!!!!!!!!!!!!!!!!!!
معرفش لية فى السينما دلوقتى كل الافلام الى طالعة لازم يبقى فيها يا اما حتة عن الجنس ومشتمالاتة او الفيلم كلة بيبقى مشاهد والفاظ قلة ادب واقل ما يقال عنها انها عبارة عن ردح
او الفيلم عبارة عن كوميديا عبيطة
شئ يغيظ يعنى مصر بجلالة قدرها ما فيهاش موضوعات تاريخية او دينية او اجتماعية او درامية او حتى فاتنزية ويا مكتر الفانتازيا فى مصر .....
الى يفقع اكتر ان بقت كل الافلام الى فيها قلة ادب سواء مشاهد او الفاظ هى الى بتحصد الجوائز مع ان المفروض دى يتحسب على الفيلم مش لصالح الفيلم لان المفروض ان احنا فى بلد عربى دينى ( اسلامى مسيحى ) والمفروض ان اى مشاهد او الفاظ غير لائقة يا اما تتحذف او تقلل من جودة الفيلم ....
والى بيقول ان المشاهد دى من صميم الفيلم اعتقد يعنى مشهد كدة ولا كدة لو اتشال مش هيأثر ابدا على سير الفيلم او نصة هو ممكن اه يأثر بس على الايرادات ودة كمان احتمال بعيد لان فى اسر وناس ما بترضاش تدخل الفيلم علشان مشاهدة >>>> اى نعم بيتفرجوا علية خلسة على الكمبيوتر انما فى الاساس هما رافضينة ولو كان خالى من المشاهد كانوا هيرحوا بعين قوية ويتفرجوا علية فى السينما بدون احراج
مع علينا يعنى
واذا كان يعنى المشهد مهم للدرجة لسير الفيلم اعتقد فى حاجة اسمها ايحااااااااااااااااااااااااااااء يعنى مش لازم التفاصيل, التفاصيل مش مهمة فى حاجة الا اذا كان بقى الفيلم للتثقيف الجنسى فا دى حاجة تانية !!! انما ما يبقاش الفيلم كوميدى وفية مشاهد والفاظ جنسية ونقول ما ينفعش تتحذف علشان هتخل بنص الفيلم دة يبقى اسمة استهبال !
اووووف وكفاية كدة علشان دمى اتحرق الصراحة .
هناك ٥ تعليقات:
المشكلة ان الافلام بقت بتتنافس على الاكثر في قلة الادب...تلاقي مخرج يستعين ب دينا(الرقاصة) و واحد تاني جايب دوللي شاهين) فمش بعيد نلاقي نجلا وماريا وغيرهم بيمثلو....ودول مواهبهم معروفة ومحدودة(الاغراء)...وعلى فكرة دول اصبحو عامل مهم من عوامل الدعاية للفيلم...وطالما الناس بتروح معنى كدة انهم موافقين...ويا رب امتحان الرمد يعدي على خير..ياااااااااا رب...
للاسف يا على فعلا عندك حق اغلب المخرجين بيتعسنوا بواحدة ممكن ما تكونش عندها اى موهبة غير الاغراء لمجرد رفع ايرادات الفيلم
بس على فكرة الى بيروح اغلبة من الشباب المراهق يعنى مثلا نادرا لما تلاقى اسرة داخلة الفيلم او ازواج حتى حديثى الزواج بيدخلوا الفيلم
الاغلبية يا اما حبيبة بيدخلوة او شباب مراهق
وفكرة ان الناس عايزة كدة اعتقد شئ مش صحيح بدليل ان فى افلام محترمة كتير لما كانت بتطلع كانت بتحقق ايرادات جامدة جداااااا
اه نسيت صحيح
ربنا يعدى امتحانك على خير ويكون احلى امتحان عدى عليك ان شا ءالله
السلام عليكم
كيفك جوجو؟
عارفه ليه المشاهد دى بتتحشر فى النص بضم النون طبعا
ان فعلا فى نوع من الناس بيدخل الفيلم مخصووووص عشان الحجات دى والناس دى بقت كتير ربنا يخلى
بالتالى بيجيبوا فلوس فهمتى اللعبه؟
لكن اللى يغيظك بقه ان الممثلات تلاقيهم بيقولو ايه ان المشاهد دى من صميم صميم الاحداث بتاعه الفيلم
واللى يغيظك اكتر الممثلين اللى مبيعملوش ده كلهم حافظين جمله واحده
احنا مبنقبلش الاغراء وادواره لكن مبنعيبش الاغراء عاللى بيعملوه لانه بيبقى مش محشور
ودى طبعا حجه واهيه جدا الناس دى مبتعملش الادوار دى لان المنتجين والمخرجين سياتك بيبقوا مش شايفين ان الممثلات دول يصلحوا لعمل الادوار دى فبتلاقى اللى بتشتمهم وتقول ان ده عييييييييب وتلاقى اللى بتعمل محترمه وتقول دى حاجه تخصهم وتلاقى ناس تانيه تقول لو اتعرض عليه حاجه احس انها فى سياق الاحداث هوافق علاطول
فى الاخر عاوزه اقول كلمتين
الوسط ده معظمه ان مكانش كله تحت تحت الاخلاق ولا يمتوا بصله ليها
بس خلاص
سلميلى عالزقازيق بقه اللى انا برضو منها
سلامات
كرانيش والله ضحكتينى صحيح تلاقى الممثلة ولا الممثل يقلك لو الاغراء هيخدم الدور هعملة اكيد وكانة بيتكلم عن خدمة الوطن مثلا
حاجة تفقع يا شيخة
واهلا ببلدياتى هنا فى المدونة نورتيها
إرسال تعليق